काठमाडौं । युनाइटेड नेचर इन्टरनेशनल पिस युनिप नेपालले आफ्नो पहिलो साधारण सभा सफलतापूर्वक सम्पन्न गर्दै तेस्रो वार्षिकोत्सव सम्पन्न गरेको छ । काठमाडौंमा  सम्पन्न उक्त सभाले संगठनको नेतृत्व गर्न नयाँ राष्ट्रिय कार्यसमिति समेत निर्वाचित गरेको छ ।

भिक्षु. डा .राजु लामा पी कोन्दन युनिप नेपालको राष्ट्रिय अध्यक्षको रूपमा निर्वाचित भए भने, रवि राज शाही राष्ट्रिय कार्यकारी अध्यक्षमा चयन भए। त्यसैगरी, प्रल्हाद दाहाल र हिक्मत दाहाल राष्ट्रिय उपाध्यक्षमा निर्वाचित भए भने,दीपक चन्द्र गौतम राष्ट्रिय महासचिवमा चयन भए।  टीका प्रसाद घिमिरे र  हरि शरण मानन्धर राष्ट्रिय सह सचिवको रूपमा नियुक्त भए भने  मन्जु श्रेष्ठ राष्ट्रिय वित्त सचिवमा निर्वाचित भइन्। अन्य प्रमुख नियुक्तिहरूमा सरोज ओझा राष्ट्रिय प्रेस तथा प्रकाशन संयोजक, करण राज अवस्थी राष्ट्रिय कानूनी संयोजक, युवराज शिवाकोटी राष्ट्रिय परियोजना संयोजक, मनोज घिमिरे राष्ट्रिय जनसम्पर्क अधिकृत, राम बहादुर तामाङ राष्ट्रिय आपतकालीन संयोजक, डा प्रप्ती कुँवर राष्ट्रिय महिला संयोजक, मुकुन्द खनाल राष्ट्रिय स्वास्थ्य संयोजक, रामभक्त दाहाल राष्ट्रिय उपसंयोजक, डम्बर लामा राष्ट्रिय आयोजना संयोजक, मिनाक्षी रौनियार राष्ट्रिय महिला नेता, टक बहादुर तामाङ राष्ट्रिय युवा संयोजक, ध्रुब राज तिवारी राष्ट्रिय वित्त संयोजक, दीपक शाही राष्ट्रिय खेलकूद संयोजक, दुर्गा प्रसाद बाँस्तोला राष्ट्रिय कार्यालय सचिव, दीपेश माझी राष्ट्रिय प्रेस तथा प्रकाशन उपसंयोजक, रमेश गोले राष्ट्रिय आर्थिक संयोजक, शैल शर्मा राष्ट्रिय युवा नेता,दीप प्रसाद धमला राष्ट्रिय शरणार्थी संयोजक,तारा शर्मा पौडेल राष्ट्रिय बाल संरक्षण संयोजक,केशव बस्नेत राष्ट्रिय ज्येष्ठ नागरिक संरक्षण संयोजक तथा पवित्रा भण्डारी सहायक वित्त संयोजक रहेका छन्।

निर्वाचित कार्यसमितिका सदस्यहरूमा बिमल भट्टराई,  दीपिका रायमाझी, विष्णु प्रसाद अधिकारी, देविका मगर, मोती तामाङ, निर्जा शाक्य, सदिक्षा ढकाल, सूर्या कार्की, विजयलक्ष्मी सिंह, रवि रतन रावत, कल्पना कुँवर, केशव बस्नेत, शान्ता रायमाझी कुँवर, मधु विक्रम कुँवर, गणेश प्रसाद सापकोटा, श्याम घिमिरे, शिव प्रसाद पाठक,  मदन महर्जन, राम के पुरी,  निकिता श्रेष्ठ, पी. के. शेर्पा र कृष्ण बहादुर श्रेष्ठ रहेका छन्।

निर्वाचन प्रक्रिया प्रमुख निर्वाचन अधिकृत सुदन घिमिरेको नेतृत्वमा सम्पन्न भएको थियो, जसलाई निर्वाचन अधिकृत  अषितोष मिश्र र  रमेश चन्द्र गौतमले सहयोग गरे।

कार्यक्रममा बालबालिका वास्ता नेपाल, राज्य दैनिक, सामुदायिक स्वास्थ्य सेवा परिषद् डल्लु आवास, समाज डेन्टल अस्पताल, तथा पत्रकार प्रमिला पिताम्बरी खतिवडालाई योगदानका लागि सम्मानित गरियो।

कार्यक्रममा नेपालको राष्ट्रिय गीतका गीतकार ब्याकुल माइला मुख्य अतिथिका रूपमा उपस्थित थिए। उनले युनिप नेपाललाई शुभकामना दिदै आफ्नो सम्बोधनमा भने, “साँचो शान्ति तब मात्र सम्भव हुन्छ जब मानवता प्रकृतिसँग सुमधुर सम्बन्धमा बस्न सिक्छ। मलाई विश्वास छ कि युनिप नेपालले यो संदेश अगाडि बढाउनेछ।”

कार्यक्रममा राष्ट्रिय अध्यक्ष डा. राजु लामा पी. कोन्दनले शान्ति र प्रकृति संरक्षणका निम्ति विश्वव्यापी प्रयासको रूपमा काम गर्ने प्रतिबद्धता जनाउदै भने, “हाम्रो प्रतिज्ञा शान्ति, मानवअधिकार, र वातावरण संरक्षणका लागि मात्र होइन, नेपालमा मात्र नभई विश्वव्यापी प्रयासको रूपमा काम गर्ने हो।”

त्यसैगरी प्रोफेसर डा. बुलन्द थापाले विशेष अतिथिको आसनबाट बोल्दै युनिपनेपाल शान्ति र अन्तर्राष्ट्रिय सहयोगको मोडेल बन्न सक्ने औंल्याउँदै आफनो सद्भावपूर्ण सन्देशमा भने, “संगठनको शक्ति यसको एकता र दृष्टिमा निहित छ। यदि हामी इमान्दारीका साथ सँगै अघि बढ्यौं भने, युनिपनेपाल शान्ति र अन्तर्राष्ट्रिय सहयोगको मोडेल बन्नेछ।”

कार्यक्रमको सुरुवात युनिस्टा रसाइलीको स्वागत नृत्यद्वारा भएको थियो, त्यसपछि राष्ट्रिय उपाध्यक्ष प्रल्हाद दाहालले स्वागत मन्तव्यका क्रममा उक्त कार्यक्रम मानवता र शान्तिको सेवा तर्फको अर्को ठूलो कदम भएको उल्लेख गर्दै भने, “यो सभा केवल विगत तीन वर्षको उत्सव मात्र होइन, मानवता र शान्तिको सेवा तर्फको अर्को ठूलो कदम पनि हो।”

सभामा संस्थाकातर्फबाट दीपक चन्द्र गौतमले संगठनको प्रगति प्रतिवेदन, वित्तीय प्रतिवेदन र भावी योजनाहरू प्रस्तुत गर्दै भने, “धेरै चुनौतीहरूका बाबजुद, युनिपुन नेपालले शान्ति, वातावरण र मानवीय सहायता कार्यक्रमहरू मार्फत समाजको सेवा निरन्तर गर्दै आएको छ।”

त्यसैगरी उक्त सभाले डा पियारत्न महर्जनलाई राष्ट्रिय संरक्षक,  विष्णु बहादुर कार्कीलाई राष्ट्रिय सल्लाहकार, र डा बुलन्द थापालाई प्रमुख सल्लाहकारको रूपमा नियुक्त गर्‍यो। सो अवसरमा नवनिर्वाचित सदस्यहरुलाई सदस्यताको प्रमाणपत्रहरू भिक्षु डा. राजु लामा पी. कोन्दनले वितरण गरे।

कार्यक्रमको औपचारिक प्रस्तुतिकरण तत्कालीन महासचिव हिक्मत दाहालले गरेका थिए, जसले सदस्यहरूको समर्पणप्रति आभार व्यक्त गरे।

धन्यवाद ज्ञापन गर्दै राष्ट्रिय कार्यकारी अध्यक्ष रवि राज शाहीले सबैको योगदानको प्रशंसा गर्दै भने, “यो केवल नयाँ अध्यायको सुरुवात हो। सँगै हामी हाम्रो दृष्टिलाई वास्तविकतामा परिणत गर्नेछौं।”

नयाँ नेतृत्वले नेपाल र बाहिरका विभिन्न कार्यक्रम र पहलहरू मार्फत शान्ति, मानवअधिकार, वातावरण संरक्षण, र विश्वव्यापी सहकार्य प्रवर्द्धन गर्ने युनिपको मिशनलाई अघि बढाउने प्रतिज्ञा गरे।

युनाइटेड नेचर इन्टरनेशनल पिस अन्तर्राष्ट्रिय संगठन हो, जुन संयुक्त राष्ट्र संघसँग सम्बद्ध छ र विश्वव्यापी रूपमा प्रकृति र शान्तिको संरक्षणमा कार्यरत छ। यसको मुख्यालय श्रीलंका स्थित छ र एशिया, युरोप, अफ्रिका, र अमेरिका गरी २६ देशमा विस्तार भइसकेको छ। युनिपुन नेपाल चैप्टर शान्ति, मानवअधिकार, वातावरणीय संरक्षण, र अन्तर्राष्ट्रिय मित्रता प्रवर्द्धन गर्ने स्पष्ट दृष्टिसहित स्थापना भएको हो। संगठनका अनुसार, शान्ति केवल युद्धको अभाव मात्र होइन, न्यायको उपस्थिति हो र वातावरण संरक्षण केवल रुख लगाउने काम मात्र होइन, भविष्यका पुस्ताका लागि सुरक्षा सुनिश्चित गर्नु हो। विगत तीन वर्षमा युनिपुन नेपालले अनेकौं मानवीय, सामाजिक कल्याण, र वातावरणीय कार्यक्रमहरू चुनौतीहरूका बाबजुद सञ्चालन गर्दै आएको छ र अब नयाँ निर्वाचित नेतृत्वअन्तर्गत यसको पहुँच अझ विस्तार गर्ने लक्ष्य राखेको संस्थाका प्रेस संयोजक सरोज ओझाले जानकारी दिए ।।